Warning: Declaration of AVH_Walker_Category_Checklist::walk($elements, $max_depth) should be compatible with Walker::walk($elements, $max_depth, ...$args) in /home/felsefe/public_html/wp-content/plugins/extended-categories-widget/4.2/class/avh-ec.widgets.php on line 136

Warning: session_start(): Cannot start session when headers already sent in /home/felsefe/public_html/wp-content/plugins/simplecontact/simpleContact.php on line 208
Tirsa Ji Fikirînê – Felsefevan

Tirsa Ji Fikirînê

Tirsa Ji Fikirînê

TIRSA JI FIKIRÎNÊ 

  Kêşeya sereke ya mirov û çivakan û bi taybet li welatên rojhilatî ev e; Hebûna gelek tişt û ramanên bi şêweyek mutleq rast an jî şaş! Erê, heger çivak derfetê nede mirov di hin mijaran de biponije û fikirînê qedexe bike û heta hin qalibên hazir lê ferz bike, dê mirovên wê civakê nikaribe ji xwe bipirse û dê nikaribe ihtîmala şaşbûna her têgeh û her tiştî bide ber çavên xwe.

Her dê bi tirs bifikire û biponije. Mêranî/wêrekî şaneke serbindayiyê ye li tevahiya dinyayê. Li welatên rojhilatî ev têgeh wek netirsbûna ji mirinê tê famkirin. Erê, em ji mirinê natirsin belê ji fikirina bi mirinê û dû mirinê ditirsin. Yanî bi şêweyek din em ji ramîn û fikirînê ditirsin. Tew heta em newêrin bifikirin ka belkî têgeha mêraniyê li cem me bi tevahî şaş be jî!

Çima wiha dibêjim; ka em bidin ber çavan ku ciwanek van pirsan bike ji malbat û nûnerên civaka xwe: Ji hin pirsên wî ciwanî: Dayê, gelo Xwedê heye? (ka bifikire dê dayika te çi bibêje) Bavo çima tu nahêlî diya min tenê biçe bajêr û heta biçe ser behrê û têkeve avê wek her jinên li wir?(bersiva bavê xwe biînin ber çavên xwe). Ji melê gundê xwe re bibêje, ez dixwazim ji dînê we derkevim û hebûna Xwedê red bikim (bifikire dê mele çi bibêje) Ji mamê xwe re bibêje, ez dixwazim bibim nermok/nêrûmê, ka binêre çi bersivê dide!

Ji mamosteyê xwe re bibêje, tu nikarî me baş hînî dersê bikî û dibêjim belkî te karek din lê ne mamostetî bikraya ew ê bi sûdtir bûya! (ka mamoste çi dibêje) Helbet dê hin ji nûneran bikaribin bersivên rêk û pêk bidin û dê bi tolerans bin bo munaqeşeyê… Dîsa texmînen, nûnerên civaka me naxwazin em biponijin û ji fikirînê ditirsin. Heger rê bidin me em bifikirin, ne dûr e otorîtera wan bişkê û karê wan zehmettir bibe û dê nikaribin me bi hêsanî kontrol bikin.

Em biînin ber çavên xwe çawa siyasetmedarên me bi hêsanî û bi devê tije yekî dikin xayin û yê din dikin çete û yê din dikin leheng. Heger wî bizanîbûya ku xelka lê guhdar dike difikire û îsbatan dixwaze bo her peyvê, gelo dê bikariya wiha bi rehetî hukmên xwe belav bikirana? Welhasil, heger em bi şêweyek din bibêjin, mirovê difikire dikare derdora xwe tazî bibîne û nakokiyan bibîne û dikare qelsî û kêmaniyên mirov û civakê bibîne. Ka kî ji me dixwaze tazî be, kî ji me dixwaze qelsî û nakokiyên xwe eşkere bike! Eha ji we mêranî!

Mirovên difikirin zeft nabin û nabin keriyê li dû şivanekî û her li rastiyan digerin. Ji ber wê jî herkes jê ditirse! Bo zelalkirinê; her peyv û ramana min li vir xerc kiriye texînên min in û ne tiştên sabit in. Yanî ihtîmala ku ez we dixapînim ya tiştên min gotine hemû çewt bin jî heye!

Mihemed Xêr Şêxo

07. 07. 2016

Mihemed Xêr Şêxo
Latest posts by Mihemed Xêr Şêxo (see all)

Bersivekê binivîsin

This site uses Akismet to reduce spam. Learn how your comment data is processed.