Pirsname

Pirsname

Pirsname / Bersivên Ali Gurdilî 

1- Peyva ku herî jê hez dikî?

Aştî û aramî

2- Van rojan tu li kîjan stranî guhdarî dikî?

Mem Ararat (Zana û Andok)

3- Ji bo te nirxa herî pîroz çi ye?

Mirov

4- Tu ji bo çi dijî?

Ji bo xwe dijîm.

5- Ji kurdan re ya ewil çi lazim e?

Xweşdîtin û hemhestyarî

6- Tu dikarî bi sê peyvan xwe vebêjî?

Dilsozî, nefsbiçûkî û xweşdîtin

7- Kîjan slogan jiyana te ya felsefî xulase dike?

Ji bo cîhanek çaktir xebat û tolerans

8- Egîdê te kî ye?

Rehmetiyê bavê min Ebdilezîzê Eliyê Silo ye.

9- Tu dixwazî li ku derê bijî?

Li bajarê Sêrtê, li navçeya Gurdilan.

10- Kîjan pirtûkê dixwînî?

Melayê Cizirî. Felsefî ve Tasavvufî Görüşleri. Yrd. Doç. Dr. M. Nesim Doru. Weşanên Nûbiharê.

11- Tu dixwazî kîjan karî/pêşeyî nekî?

Cerdevanî

12- Çi te kelecan dike?/ …

13- Çi kelecana te kêm dike, dikuje?

Tênegihiştin.

14- Kêmasiya kurdan a herî mezin çi ye?

Hevkarî û yekîtî

15- Axaftina bi kîjan zimanî te kêfxweşî dike?

Zimanê Kurdî

16- Riste/beyt an çarîna herî bi wate ya ku tu jê hez dikî?

‘Qermiçokên di rûyên me de, wekî êşên welatê me ne. Kûr, lal û nenas in; wekî ku li benda dîtin, zanîn û naskirinê bin.’

17- Xewna bextewariya te çi ye?

Li Kurdistana Azad dersdariya beşa Felsefeyê, bi Zimanê Kurdî.

18- Kîjan stran halê te yî rûhî te dîne ziman?

Strana Şivan Perwer ya ‘Xanima min.’

19- Paşeroj/raborî ji bo te tê çi wateyê?

Têgihiştin û tecrube.

Te dixwest ku tu bibî xwedî kîjan qabiliyeta sirûştî?

Dengbêjî

Ali Gurdilî kî ye?

      Ali Gurdilî, civaknasekî kurd e. Di sala 1966 an de li bajarê Sêrtê, li navçeya Gurdilan/Misircê hatiye dinyayê. Piştî ku di sala 1980 an bi hemû malbata xwe re koçê bajarê Îzmîrê dibe, dikeve Zaningeha Ege, beşa civaknasiyê û piştî çend salan zaningehê diqedîne. Nêzîkî pazdeh sal in hewl dide da ku di hindek warên zanistî û felsefî de bixebite. Heta niha gelek gotarên wî ên zanistî û felsefî di kovarên wek Kovara W, Tîroj, Felsefevan, Xwenas û Ajda de hatine çapkirin. Niha li Tirkiyeyê dijî, mamostetiya beşa felsefeyê dike û bavê du zaroka ye. Xwedî û berpirsiyarê malpera felsefeyê ya www.felsefevan.xyz ê û xwedî û edîtorê Kovara Felsefevan e.

Berhemên wî yên ku heta niha hatine weşandin.

1- Dengê Felsefeyê – Weşanên Doz – Rêbendan 2006

2- Rewîtiyeke Zanistî – Weşanên Doz – Gulan 2007

3- Jiyan û Felsefeya Mensûrê Hallac ‘Enel Heq’-Weşanên Evrensel. Stenbol 2015

4- Destpêka Felsefeyê- Weşanên Soran. 2015

5- Antolojiya Feylesofan. Alî Gurdilî. Weşanên Soran. 2015  

Çavkanî: http://candname.com/

Bersivekê binivîsin

This site uses Akismet to reduce spam. Learn how your comment data is processed.