Bi kurt kurmancî, Peyva Kurmanc an Kurdmanc û Kurd

Bi kurt kurmancî, Peyva Kurmanc an Kurdmanc û Kurd

Bi kurt kurmancî, Peyva Kurmanc an Kurdmanc û Kurd

Mîr Celadet Bedirxan di tev nivîsên xwe de peyva (Kurdmanc) bi wateya Kurd bikar aniye û wek ku diyare peyva (Kurmanc), navê Kurda ye. Belê ev peyv ji kengî ve di civaka me de hatiye bikar anîn û ji kîjan çînê re ye? Ta niha ne eşkere ye. Bi tenê em zanin, ji çînek civakê re tê gotin, ew çîna xwedî kar û pîş, ew çîna gundî û feqîr û hejar re tê gotin..

Kevintirîn belge li dor vê yekê, helbestek melayê Cizîrî ye, dema dibêje:

Mîr û Kurmanc li holan qederek westane

Lê di nîvê bi hev û tîpê ereb hatine ceng

Piştî wî bi dor 70 salî. Ehmedê Xanî jî, ev peyv bi wateya (KURD) bikar aniye, dema dibêje:

Ev Rom û Ecem bi wan hesarin

Kurmanc hemî li çar kenarin

Herdu terefan qebîlê Kurmanc

Bo tîrê qeza kirine amanc..

Hem jî dibêje:

Kurmanc im û Kohî û Kinarî

Van çend xeberêt Kurdewarî..

Belê di baweriya min de, dema ku Mîr Celadet Bedirxan peyva Kurdmanc di Hawara xwe de bikar aniye, wî zanî bû û ji xwe bawer bû… Erê wî bi wateya KURD bi kar aniye. Mane em gelek caran ji hev re dibêjin; Bi kurd kurmancî..

Û ez bi xêr û hûn bi selametî

Konê Reş

Qamişlo, 27.01.2015

Bersivekê binivîsin

This site uses Akismet to reduce spam. Learn how your comment data is processed.